ABŞ Konqresinə milli müdafiə haqqında qanuna dəyişikliklərə dair layihə təqdim edilib.
RBK-nın məlumatına görə, dəyişikliklər qanunverici orqanın ilkin razılığı olmadan İrana hərbi zərbənin maliyyələşdirilməsini qadağan edir.
Sənədi konqresmenlər Ro Hanna və Mett Hets hazırlayıblar. Onların təkliflərinə əsasən, Konqres Tehrana müharibə elan etməyənədək və ya icazə verməyənədək İrana qarşı hərbi əməliyyatların maliyyələşdirilməsi bloklanacaq.
R.Hannın fikrincə, ABŞ Prezidenti Donald Tramp Yaxın Şərqdə müharibəyə başlamağın bir addımlığında olub. Bu müharibə Vaşinqtona 3 trilyon dollara başa gələ bilərdi.
Xatırladaq ki, D.Tramp zərurət yaranacağı təqdirdə, konqresmenlərlə razılaşdırmadan İrana zərbə endirməyin mümkün olduğunu bəyan etmişdi.
