“Bəsic” komandirinin öldürülməsi təsdiqlənib – YENİLƏNİB

32

Xuzistan əyalətinin qubernatoru Səid Haciyan “Bəsic”in komandiri Əbdul Hüseyn Mücədeminin öldürülməsini təsdiqləyib.

SosialMedia.az-ın Tehran bürosunun məlumatına görə, o bildirib ki, Ə. Mücədemi evinin qarşısında öldürülüb.

“Bəsic” komandirini qətlə yetirən şəxs və ya şəxslərin axtarışı aparılır.

Ə. Mücədemi “Bəsic”in Darxoin şəhəri üzrə komandiri olub.

***

saat 11:32

İran İslam İnqilabı Keşikçiləri Korpusunun (SEPAH) “Bəsic” Müqavimət Qüvvələrinin komandiri öldürülüb.

SosialMedia.az-ın xəbərinə görə, bu barədə “Gənc jurnalistlər klubu” agentliyi məlumat yayıb.

Bildirilib ki, “Bəsic”in komandiri bu gün ölkənin cənub-şərqində, Xuzistan vilayətində yaşadığı evdə naməlum silahlı şəxslər tərəfindən qətlə yetirilib.