Ölkədə bütün qatarlarda Vay-Fay olacaq

151

Abşeron dairəvi dəmir yolu xəttində Vay-Fay şəbəkəsinin keyfiyyətinin yüksəldilməsi üçün test prosesləri yekunlaşıb.

Sosialmedia.az xəbər verir ki, bunu Report-a açıqlamasında Azərbaycan Dəmir Yolları QSC-nin (ADY) Məlumat-Hesablama Mərkəzi Departamentinin rəisi David Əliyev bildirib.

Onun sözlərinə görə, bununla bağlı pilot layihə həyata keçirilir:

“Layihə uğurla ucra olunsa dairəvi dəmir yolu xətti üçün layihələndirməyə başlanılacaq. Gələcəkdə ölkədə bütün qatarlarda Vay-Fay şəbəkəsinin qurulması nəzərdə tutulur”.

Xatırladaq ki, martın 18-də Abşeron dairəvi dəmir yolunun Pirşağı-Görədil-Novxanı-Sumqayıt hissəsinin yenidənqurmadan sonra açılışı olub. Yenidən qurulan Pirşağı-Görədil-Novxanı-Sumqayıt sərnişin xəttinin açılışı ilə Abşeron dairəvi dəmir yolu tam istismara verilir. Belə ki, Bakı sərnişin-Keşlə-Koroğlu-Bakıxanov-Sabunçu dəmir yolu xətti ötən ilin mayında, Sabunçu-Zabrat 1-Zabrat 2-Məmmədli-Pirşağı dəmir yolu xətti isə ötən ilin noyabrında artıq istismara verilib. Abşeron dairəvi dəmir yolu xəttinin istismar uzunluğu 91, stansiya yolları ilə birlikdə ümumi uzunluğu isə 198 kilometrdir