Başçının virusa yoluxan xanımı və müavini

8

Koronavirusa yoluxan Goranboy Rayon İcra Hakimiyyəti başçısının birinci müavini Ceyhun Həsənovun səhhəti yaxşıdır.

Sosialmedia.az bildirir ki, Bunu Axar.az-a açıqlamasında Goranboy RİH-in təminatı və təhlil sektorunun müdiri Faiq Muradov deyib. O bildirib ki, başçı müavini ev şəraitində müalicəni davam etdirir.

Qurum rəsmisi virusa yoluxan icra başçısı Məhərrəm Quliyevin həyat yoldaşının səhhəti barədə məlumatı olmadığını bildirib.

Qeyd edək ki, iyunun 24-də Goranboy Rayon İcra Hakimiyyəti başçısının birinci müavini Ceyhun Həsənovun və başçının xanımının virusa yoluxması barədə məlumat yayılmışdı.