1920-ci ildə ABŞ-ın Boston şəhərində yerləşən erməni terror təşkilatı ARF Osmanlı və azərbaycanlıların yüksək rütbəli məmurlarına qarşı “Nemesis” adlanan qanunsuz əməliyyatlar başlatdı. Bu qanunsuz fəaliyyətlər Armen Qaro, Aron Saçaklyan və Şahan Natali tərəfindən idarə olunurdu.
Sosialmedia.az xəbər verir ki, bu sözləri amerikalı tarixçi, professor Castin Makkarti deyib.
O bildirib ki, müxtəlif erməni terrorçular 1920 və 1922-ci illər aralığında aşağıdakı terror aktlarını törədiblər:
“- Fətəli Xan Xoyski 19 iyun 1920-ci ildə terrorçu Aram Yerqanyan tərəfindən Tiflisdə;
– Tələt Paşa 15 mart 1921-ci ildə terrorçu Soqomon Teyliryan tərəfindən Berlində;
– Behbud Xan Cavanşir 18 iyul 1921-ci ildə terrorçu Misak Torlakyan tərəfindən İstanbulda;
– Halim Paşa 5 dekabr 1921-ci ildə Arşavir Şiraqyan tərəfindən Romada;
– Bahəddin Şakir 17 aprel 1922-ci ildə terrorçu Aram Yerqanyan tərəfindən Berlində;
– Camal Əzmi 17 aprel 1922-ci ildə terrorçu Arşavir Şiraqyan tərəfindən Berlində;
– Camal Paşa 25 iyul 1922-ci ildə terrorçu Stepan Caqiqyan tərəfindən Tiflisdə qətlə yetirildi.
51 ildən sonra – 1973-1991-ci illərdə xaricdəki türk diplomatlarına qarşı erməni terroru yenidən geri döndü və 239 terror hücumu həyata keçirildi. 31 türk diplomatı da daxil olmaqla, 71 günahsız insan öldürüldü, 520 nəfər ağır yaralandı”.
