Mədəniyyət Nazirliyinin tapşırıq və tövsiyələrinə uyğun olaraq şəhid ailələri və qazilər diqqət mərkəzində saxlanılmaqdadır

2411

Azərbaycan Respublikası Mədəniyyət Nazirliyinin tapşırıq və tövsiyələrinə uyğun olaraq şəhid ailələri və qazilər diqqət mərkəzində saxlanılmaqdadır.

SosialMedia.az-ın xəbərinə əsasən, Ağstafa Regional Mədəniyyət İdarəsinin şəhid və qazi övladlarının yay tətilinin maraqlı və səmərəli təşkili məqsədilə həyata keçirdiyi silsilə tədbirlər davam etdirilir. İlk belə tədbir 30 iyul tarixində Ağstafa rayonunda keçirilmişdir. Növbəti dəfə isə 31 avqust tarixində Tovuz rayon Mədəniyyət Mərkəzində rayondan olan şəhid və qazilərin övladlarına “Tıq-tıq xanım” tamaşası göstərilmişdir. Ağstafa Regional Mədəniyyət İdarəsinin dəstəyi, Tovuz rayon Mədəniyyət Mərkəzinin və Mədəniyyət İşçiləri Həmkarlar İttifaqı Tovuz rayon komitəsinin təşkilatçılığı ilə baş tutan tədbirdə mərkəzin aktyorlarının ifasında nümayiş olunan səhnəciklər balaca tamaşaçılar tərəfindən maraqla qarşılanmışdır.

Tədbirin sonunda şəhid və qazi övladlarına hədiyyələr təqdim olunmuş, xatirə şəkilləri çəkdirilmişdir.