4 gün davam edəcək Texnofest Azərbaycan Aerokosmik və Texnologiya Festivalı başlayıb.
Sosialmedia.az xəbər verir ki, festivalın açılışı musiqi proqramları ilə başlayıb.
Tədbirdə Rəqəmsal İnkişaf və Nəqliyyat naziri cənab Rəşad Nəbiyev, Türkiyənin Texnoloji Takımının İdarə Heyətinin sədri Səlcuq Bayraqdar, Türkiyənin Sənaye və Texnoloji naziri Mustafa Varan iştirak edəcəklər.
Gün ərzində festival iştirakçılarına müxtəlif aviaşoular, robot şou, külək tunelində şoular nümayiş olunacaq.
Birinci günün sonunda təşkil ediləcək konser proqramında xalq artisti Aygün Kazımova, Nigar Camal, Azad Şabanov və digərləri öz ifaları ilə festival iştirakçıların qarşısında çıxış edəcəklər.
Günün sonunda isə hər kəsi maraqlı lazer şou gözləyir.
Qeyd edək ki, “Texnofest” Türkiyənin Sənaye və Texnologiya Nazirliyinin, eləcə də Səlcuq Bayraqdarın rəhbərlik etdiyi “Türkiye Teknoloji Takımı” (T3) Vəqfinin təşkilatçılığı ilə 2018-ci ildən etibarən hər il keçirilir və ilk dəfə bu il xaricdə – Azərbaycanda təşkil olunur. Azərbaycanda Texnofest Azərbaycanın təşkilatçılığı Rəqəmsal İnkişaf və Nəqliyyat Nazirliyinə həvalə edilib.
