Sosialmedia.az xəbər verir ki, ABŞ Ukrayna müharibəsinin birinci ildönümündə Rusiyaya qarşı yeni sanksiyalar paketini açıqlayıb. Yeni paket xüsusi olaraq Rusiyanın metallar və mədənçıxarma sektorunu hədəf alıb və indiyədək Moskvanın sanksiyalardan yayınma səyləri ilə əlaqəli olduğu iddia edilən 30-dan çox şəxs və şirkətə sanksiya tətbiq edilib.
Rusiya-Ukrayna müharibəsinin birinci ildönümündə ABŞ Rusiyaya qarşı yeni sanksiyalar paketini açıqlayıb. Bildirilib ki, sanksiya qərarı G7 tərəfdaşları ilə razılaşdırılaraq qəbul edilib. Bu ən böyük sanksiya paketlərindən biridir.
Vaşinqtonun qarşıdurma başlayandan bəri elan etdiyi ən böyük sanksiya paketlərindən biri olan yeni sanksiyalar paketi ilk növbədə Rusiyanın metal və mədən sektorunu hədəf alıb.
Yeni Sanksiya paketinə müdafiə sistemləri üçün materiallar istehsal edən mikroelektronika və karbon lifi istehsalçıları və onlarla maliyyə institutu daxildir.
Paketdə həmçinin Rusiyanın indiyədək sanksiyalardan yayınma səyləri ilə əlaqəsi olduğu iddia edilən 30-dan çox şəxs və şirkətin adı var. Bu adlar arasında biznesmen Valter Moretti, silah alverçisi Nurmurad Kurbanov və rusiyalı iş adamı, Rusiyanın baş naziri Mixail Mişustinin keçmiş qaynı Aleksandr Yevgenyeviç Udodov da var.
Sanksiyalar çərçivəsində o, 1200-dən çox Rusiya hərbçisinə viza məhdudiyyəti qoyub.
Ağ Ev martın 10-dan Rusiyada istehsal olunan alüminium və onun törəmələrinə 200% vergi tətbiq edəcəyini də açıqlayıb.
Digər tərəfdən, ABŞ Ukraynanın yazda həyata keçirməyi planlaşdırdığı yeni hücumdan əvvəl Ukraynaya iki milyard dollar dəyərində silah yardımı edəcəyini də bəyan edib.
