Ermənilərin, o cümlədən rəsmi Ermənistanın Azərbaycana qarşı təxribatları davam edir. Laçın sərhəd-buraxılış məntəqəsi ətrafında “Humanitar yardım” adı ilə yük TİR-larını işə cəlb edərək dünyaya göstərmək, dünyanın diqqətini cəlb etmək xatirinə düzəltdiyi şou, əslində erməni həyasızlığını, erməni xislətini bir daha göstərmiş oldu. Ermənilər həmişə hansısa güclər üçün türklərə qarşı bir alət olublar və missiyanı bu gün də yerinə yetirirlər.
Sosialmedia.az xəbər verir ki, bununla bağlı Milli məclisin Deputatı İntizam Yusifov şəxsi Facebook hesabında paylaşım edib.
Əslində Ermənilər nə qədim, nə də böyük dövləti olan bir xalq deyil. Sadəcə bir toplum kimi Yaxın Şərqdə məskunlaşıblar. Hətta özlərinin uydurduğu və tarixi mənbələrə saxta yazılarla otuzdurulan “Böyük Ermənistan” və ya dənizdən-dənizə dedikləri “ölkə” belə olmayıb. Məntiqi və nəzəri cəhətdən bu “ölkə” olsa idi belə, ermənilərin say baxımından bu dövləti məskunlaşdırmaq imkanı belə olmazdı. Ermənilər məkan olaraq Qafqaz və Xəzər ətrafında olmayıblar. Məhşur alman tarixi yazarı Leon Feyxvanqerin “Yalançı Neron” tarixi romanında Qədim Roma imperiyasının Yaxın Şərqdəki paytaxtı Antioxiya (indiki Antakya) və Edessa (indiki Şanlı Urfa) şəhərlərini təsvir edəndə Erməni yaylasını indiki Suriya ərazisində göstərmişdir. Qafqaza onlar Rus-Qacar müharibəsindən sonra, Azərbaycanın bölünməsindən sonra bufer zona kimi Rus imperiyası tərəfindən məskunlaşdırılmışdılar. Rus imperiyasının süqutundan və SSRİ-nin yaranması ilə tarixi Azərbaycan torpaqlarında dövlət qurdular. SSRİ-nin dağılması ilə Qarabağın dağlıq hissəsini işğal edərək daha da böyümək istədilər. Böyük millət, böyük dövlət olmaq xəyallarını müasir dünyada gerçəkləşdirmək üçün öz məkirli xislətlərindən, insanlığa xas olmayan xüsusiyyət və niyyətlərindən istifadə edərək özlərinin milli, dini düşüncələrində otuzdurduqları “Böyük Ermənistan” ideologiyasını bundan sonra realizə etməyə çalışırdılar. Amma bu niyyət, “Böyük Ermənistan” ideologiyası Ali Baş Komandan, cənab İlham Əliyevin komandanlıq bacarığı və rəhbərliyi, Şanlı Azərbaycan ordusunun şucaəti və Azərbaycan xalqının birliyi və ölkə başçısına birmənalı dəstəyi ilə məhv oldu, puça çıxdı.
Bu gün ermənilər, bizim şanlı 44 günlük Zəfərimizdən sönra məğlubiyyəti dadaraq, Azərbaycanını gücünü görərək düşdükləri məğlub durumdan, psixoloji gərginlik və ümidsizlikdən sönra yenidən baş qaldırmaq çəhləri, qisas çəhdləri hiss olunmaqdadır. Lakin bilməlidirlər ki, qisas barədə düşünmək, bu düşüncələri həyata keçirməyə cəhd olduqca təhlükəlidir. Ermənilər bu gün “Humanitar yardım” şousu ilə bağlı dünya siyasətçilərini, tanınmış insanları Azərbaycan əleyhinə çıxışlar etməyə razı salsalar belə, hüquq de-yure bizim tərəfimizdədir. Azərbaycan müstəqil və dünya birliyi tərəfindən tanınan bir ölkədir. Azərbaycan güclü dövlətdir, güclü iqtisadiyyatı var və öz əhalisini tam təmin etmək iqtidarındadır. Azərbaycanla Ermənistan arasında diplomatik əlaqələr qurulmayıb və bu halda Azərbaycanla razılaşdırılmadan heç bir yük mütəqil Azərbaycan ərazisinə keşə bilməz.
Mən bir neçə məqama diqqətinizi çəkəcəm:
1. Bu gün Ermənilər və onların havadarları Laçın yolunun açılmasından danışırlar. Əvvəla Laçın yolu bağlı olmayıb, bu gün də açıqdır və sərhəd-buraxılış məntəqəsindən asan və təhlükəsiz keçid var.
2.Ermənistan, Rusiya və Dünya birliyi Qarabağın Dağlıq hissəsi ilə bağlı məsələlərdə 10 noyabr 2020-ci il üçtərəfli Bəyanata istinad edirlər. Bəyanatın 6 -ci bədinə görə Azərbaycan Respublikası Laçın dəhlizi üzrə hər iki istiqamətdə vətəndaşların, nəqliyyat vasitələrinin və yüklərin hərəkətinə “təhlükəsizlik” zəmanəti verir. Yəni heç bir maneəsiz keçiddən söhbət getmir, yalnız hərəkətə təhlükəsizlik zəmanəti verir. Əslində Laçın sərhəd-buraxılış məntəqəsi özü maneə yox, elə təhlühəsizlik sisteminin bir komponentidir.
3. 10 noyabr 2020-ci il üçtərəfli Bəyanatın 9 -ci bədinə görə Bölgədəki bütün iqtisadi və nəqliyyat əlaqələri bərpa edilir və Ermənistan Respublikası vətəndaşların, nəqliyyat vasitələrinin və yüklərin hər iki istiqamətdə maneəsiz hərəkətinin təşkili məqsədi ilə Azərbaycan Respublikasının qərb rayonları və Naxçıvan Muxtar Respublikası arasında nəqliyyat əlaqəsinin təhlükəsizliyinə zəmanət verir. Yəni maneəsiz (o cümlədən təhlükəsiz) hərəkət artıq Ermənistan ərazisində, Zəngəzur koridorunda nəzərdə tutulur və Naxçıvana gediş –gəliş maneəsiz olmalıdır.
Ermənistan 10 noyabr 2020-ci il üçtərəfli Bəyanatın müddüalarını yerinə yetirmədiyi halda, qarşı tərəfdən bunu tələb etməsi, bu məsələri beynəlxalq müstəviyə çixarması absurd və qəbul edilən deyil.
Son Brussel görüşündə Azərbaycan Ağdam-Xankəndi yolundan istifadəni təklif edib. Bu təklif də bəyənilib. Bu yol cəmi 63 km uzunluğundadır, M2- ölkə və beynəlxalq əhəmiyyətli maqistral yoldan da elə bu qədər məsafədə yerləşir. Dağlıq ərazilərdən keçmir, daha qısadır və təhlükəsizdir. Əyər söhbət humanitar yardımdan və ya hümanitar fəlakətdən gedirsə, butun alternativ variantlar qəbul olunan olmalıdır. Ermənilər bunu qəbul etmir. Bu isə o deməkdir ki, məsələ humanitar yardımdan və ya hümanitar fəlakətdən getmir. Bunu qəbul etməklə Ermənilərin bütün son 30 ildə apardıqları siyasətə son qoyulur və Qarabağla bağlı məsələlər onlar üçün bitir. Ermənilər “Qarabağ problemi”nin bitməsini qəbul etməyərək hətta onu Haaqa Beynəlxalq Ədalət Məhkəməsinə qədər daşıyıblar. Məhkəmənin qərarında (əslində qərar yox -Applilication) deyilir ki, “konflikt bitənə qədər” Azərbaycan Laçın yolundan maneəsiz gediş-gəlişi təmin etməlidir. Beynəlxalq Ədalət Məhkəməsi bilmir ki, Azərbaycan müstəqil, ərazi quruluşuna görə isə unitar dövlətdir. Beynəlxalq Ədalət Məhkəməsi BMT-nin Nizamnaməsinə, öz Statutuna görə qərarlarında ədalət, bərabərlik və suverenliyin toxunulmaması prinsiplərini rəhbər tutmalı və əməl etməlidirlər. Heç bir diplomatik əlaqələri olmayan, müharibə şəraitində olan 2 ölkə arasında nəzarətsiz gediş-gəliş ola bilməz. Əslində isə ölkə başçısı cənab İlham Əliyevin dediyi kimi, artıq Qarabağ problemi yoxdur, məsələ bitib.
Ermənilər dayanmırlar, yeni yeni təxribatlar düşünürlər. Bu məsələdə onlara dəstək verənlər çoxdur. Onlardan biri, Avropa ittifaqının xarici işlər və təhlükəsizlik üzrə komissarı Joze Borrel. Cənab Borrel bir ispan olaraq bilmir ki, ispaniyadan ayrılmaq istəyən katalonların sayı 8,5 milyon və Kataloniyanın ərazisi isə 32 min km2-dir. Yəni onların sayı dünyadakı ermənilərin sayı ilə və əraziləri isə Ermənistandan böyükdür. Onda niyə ispan dövləti onların müstəqilliyini boğdu və rəhbərlərinə cinayət işi açaraq həbs etdilər? Erməniləri müdafiə edən və Laçın yolunun açılması ilə bağlı çıxış edən Avropa Şurası Parlament Assambleyasının (PACE) sədri Tini Kokc bilmir ki, özünün rəhbərlik etdiyi Avropa Şurası Parlament Assambleyasının (PACE) 2011-ci ildə qəbul etdiyi 1832 saylı Bəyamnaməyə görə (Resolution 1832(2011) National Sovereignty and Statehood in contemporary international law) milli və ya etnik azlıqların öz müqəddəratını təyinetmə hüququ onların avtomatik olaraq ayrılma hüququ anlamı demək deyil.
Bəyamnamənin 7-ci bəndində deyilir:
“ Assambleya hesab edir ki, hətta beynəlxalq hüquq milli və ya etnik azlıqların, hətta bəzi hallarda milli çoxluqların öz müqəddəratını təyinetmə hüququnu tanısa belə, belə hüquq avtomatik olaraq ayrılma hüququna əsas verməyəcək. Öz müqəddəratını təyinetmə hüququ ilk növbədə Avropa Şurasının Milli Azlıqların Müdafiəsi üzrə Çərçivə Konvensiyasında (ETS No 157) və Assambleyanın 1334 (2003) pozitiv qətnaməsində nəzərdə tutulduğu kimi azlıqların hüquqlarının müdafiəsi yolu ilə həyata keçirilməlidir.”
Ermənilərin canfəşanlığı əbəsdir. Bunu biz BMT Təhlükəsizlik Şurasının məlum yığıncağında da gördük: Ermənilərin məğlubiyyəti, Azərbaycan diplomatiyasının qələbəsi.
Azərbaycan öz suveren hüquqlarından istifadə edərək, öz daxili və xarici siyasətini inkişaf etdirərək öz suverenliyini, öz təhlükəsizliyini və öz inkişafını təmin edəcəkdir.
Milli Məclisin Deputatı İntizam Yusifov.
