İyunun 16-da Türkiyədən Bakıya uçuşu nəzərdə tutulan reys təxirə salınıb.
Sosialmedia.az Musavat.com-a istinadla xəbər verir ki, uçuşu həyata keçirməli olan Türk Hava Yolları şirkəti sərnişinlərə bildiriş göndərib.
Bildirişdə reysin hansı səbəbdən və nə vaxta təxirə salındığı barədə məlumat verilməyib.
Hələ ki, məsələ ilə bağlı Türk Hava Yollarından ətraflı məlumat öyrənmək mümkün deyil. Şirkətin bütün telefon xətləri məşğuldur.
Xatırladaq ki, koronavirusla əlaqədar qadağan edilən beynəlxalq uçuşların qismən bərpa edilməsi ilə bağlı dünən rəsmi açıqlama verilmişdi. Artıq bir neçə ölkə ilə uçuşların bərpa ediləcəyi deyilirdi. Ləğv edilən bu reys isə Türkiyədən Bakıya uçuşu nəzərdə tutulan ilk reyslərdən biri idi.
