Braziliyada son sutka ərzində daha 59 961 nəfərin koronavirus infeksiyasına yoluxması təsdiqlənib.
SosialMedia.az xəbər verir ki, bu barədə ölkənin Səhiyyə Nazirliyi məlumat yayıb.
Nazirlik bildirib ki, indiyədək Braziliyada koronavirusa ümumilikdə 2 287 475 nəfər yoluxub. Bu müddət ərzində 84 082 koronaviruslu xəstə dünyasını dəyişib, son sutkada isə bu rəqəm 1311 nəfər olub.
Həmçinin bu günədək 1 570 237 xəstə müalicə olunaraq sağalıb.
Qeyd edək ki, Braziliya COVID-19 infeksiyasına yoluxanların və bu virusdan ölənlərin sayına görə dünyada ikinci yerdədir.
