Sosialmedia.az xəbər verir ki, 30.10.2023- cü il tarixində “Sağlamlığa Xidmət” İctimai birliyi “Azərbaycanda vərəmin təsirinə məruz qalmış insanlara qarşı stiqmanın qiymətləndirilməsi” tədqiqat layihəsi çərçivəsində növbəti tədbirini Şamaxı RMX, PHŞ-ində keçirib.
İcra olunan layihənin əsas məqsədi vərəmlə xəstələnmə riski yüksək olan ərazilərdə vətəndaş cəmiyyəti və vərəmin təsirinə məruz qalmış icmanın iştirakı ilə vərəmli şəxslərin yaşadığı stiqma və diskriminasiya haqqında məlumat toplamaqdır.
Tədbirdə Sağlamlığa Xidmət İctimai birliyinin direktor müavini Samirə Muxtarova, Vərəm əleyhinə QHT Koalisiyasının üzvləri Ziba Nəbiyeva Cəmilə Çingiz qızı, Səbinə Kərimova iştirak ediblər.
İlk olaraq Koalisiyanın üzvləri Şamaxı RMX, PHŞ-in direktoru Emin Hüseyn Ramiz oğlu ilə görüşüb, tədbirin məqsədi barəsində məlumat veriblər.
Tədbir zamanı həkim Samirə Muxtarova çıxış edərək, tədbir iştirakçılarını salamlayıb, tədbirin keçirilməsi üçün yaradılan şəraitə və imkanlara görə tərəfdaş qurum olan TƏBİB – in rəhbərliyinə və əməkdaşlarına, Şamaxı RMX, PHŞ-in direktoruna və tibb bacısı Südabə Əliyevaya minnətdarlığını bildirib. Daha sonra vərəmə yönəlik stiqma barəsində ətraflı məlumat verərək, “vərəmin təsirinə məruz qalmış şəxslərə qarşı stiqmanın qiymətləndirilməsi” anket sorğusunun doldurulması prosesini izah edib. Eyni zamanda Koalisiya üzvlərinin iştirakı ilə anket sorğunun doldurulması prosesi icra olunub.
Tədbir interaktiv şəkildə keçirilib və iştirakçıları maraqlandıran suallar cavablandırılıb.
Qeyd edim ki, Şamaxı RMX, PHŞ-ində keçirilən anket sorğunun doldurulması prosesində 11 nəfər vərəmin təsirinə məruz qalmış şəxslər iştirak ediblər.
