Alman Dili Müəllimləri İctimai Birliyi, Azərbaycan Respublikasının Prezidenti yanında QHT Dövlət Dəstəyi Şurasının maliyyə dəstəyi ilə “Yeniyetmə və gənclər arasında milliazlıqların mədəniyyəti və adət-ənənəsi haqqında tədbirlərin təşkili “ layihəsinin icrasını davam etdirir.
Bu barədə SosialMedia.az –a layihə rəhbəri Leyla Qasımzadə məlumat verib. Onun sözlərinə görə, layihənin məqsədi Ümumtəhsil və ali təhsil müəssisələrində Azərbaycanda yaşayan azsaylı xalqlar ,onların adət-ənənələri,mədəniyyəti,incəsənəti barədə maarifləndirməsi və Sumqayıt şəhərində məskunlaşmış azsaylı xalqların nümayəndələri ilə məktəblilərin görüşünü təşkil etməkdir. Üçüncü tədbir 23 oktyabr 2019-cu il tarixində Sumqayıt şəhər 7 saylı tam orta məktəbdə keçiriləcək. 24 oktyabr tarixində isə Sumqayıt şəhər 27 saylı orta məktəbdə təşkil olunacaq. Ümumilikdə isə layihə boyunca Sumqayıt şəhərində beş ümumtəhsil ocağında məlumatlandırma tədbirləri təşkil olunacaq.
