Sosialmedia.az xəbər verir ki, 20.12.2023-cü il tarixində Bakı şəhər Mədəniyyət Baş İdarəsi Zirə qəsəbəsi Mədəniyyət Mərkəzində “Qonağımız var” lahiyəsi üzrə Millət vəkili Jalə Əhmədovanın iştirakı ilə “Heydər Əliyevin 100 illiyi” çərçivəsində görüş keçirildi. Jalə Əhmədova “Uluöndər Heydər Əliyevin elə bir sahə yoxdurki, orda onun əvəzsiz rolu olmasın” deyə bildirdi və tədbir iştirakçılarına geniş məlumatlar verdi.
Zirə qəsəbə Mədəniyyət Mərkəzinin direktoru Röyal Cəbiyev öz çıxışında Azərbaycanın memarı əvəzolunmaz şəxsiyyət Heydər Əliyevin Azərbaycanın gələcəyinin inkişafı üçün qoyduğu mirasdan bugünkü gün hər bir gənc faydalanır və gələcək nəsil faydalanacaqdır deyə xüsusi vurğulamışdır.
Daha sonra tədbirin bədii hissəsi Zirə qəsəbə Mədəniyyət Mərkəzinin fəal rəqs, şeir,mahnı qruplarının iştirakı ilə davam etmişdir.
