“Biz əvvəlcədən də elan etmişdik ki, KİV nümayəndələri seçki ilə bağlı müşahidə apara, istədikləri suallara cavab tapa bilərlər. Amma bunlardan sui-istifadə halları var”.
SosialMedia.az-ın xəbərinə görə, bunu Mərkəzi Seçki Komissiyasının katibi Mikayıl Rəhimov deyib. O bildirib ki, bəzi bloqgerlər seçki məntəqələrində narazılıq yaradır, məntəqə əməkdaşlarının işinə müdaxilə edirlər.
- Rəhimovun sözlərinə görə, hətta seçki məntəqələrinin birində seçici ilə bloqger arasında narazılıq yaranıb, seçici bloqgerin onu çəkməsinə etiraz edib: “Bəzən bloqgerlər seçki prosesinə mane olur, məntəqələrin işinə yersiz müdaxilə edirlər”.
