Sosialmedia.az xəbər verir ki, İstanbulun su ehtiyacının böyük hissəsini təmin edən Alibeyköy bəndini qidalandıran gölməçə quruyub. Suların çəkilməsi ilə yaşıllaşan ərazidə camışlar otlamağa başlayıb.
Türkiyədə təsirli olan isti dalğası meqa şəhər İstanbulda da təsirini davam etdirir.
İstanbulu su ilə təmin edən bəndlərdə də suyun səviyyəsi günü-gündən azalır.
İSKİ məlumatlarına görə, İstanbulu su ilə təmin edən bəndlərin doluluq nisbəti yüzdə 32,38 olduğu halda, Alibeyköy Barajında keçən il 39,41 olan su səviyyəsi bu gündən etibarən 14,96-ya düşüb.
Alibeyköy bəndini qidalandıran gölməçə tamamilə quruyub. Suyun çəkildiyi yerlərdə dərin çatlar əmələ gəlib.
Quruyan gölməçəyə pilotsuz təyyarə ilə havadan baxılarkən, gölməçənin quruması səbəbindən yaşıllıqda camışların otladığı görülüb.
