“Müəllimlərin işə qəbulu üzrə müsabiqənin test imtahan mərhələsi ilə bağlı yekun nəticələr sabahdan hər bir namizədin şəxsi səhifəsinə göndəriləcək”.
SosialMedia.az-ın xəbərinə görə, bunu Təhsil Nazirliyinin İnsan Resursları şöbəsinin müdir müavini Murad Camalzadə deyib.
O bildirib ki, iyulun 27-dən başlayaraq namizədlər şəxsi səhifəsi üzərindən imtahan təşkilatçısına apelyasiya qaydasında müraciət edə bilər: “Həmin müraciətlər iyulun 29-da qədər qeydiyyata alınacaq. Müraciətlərin nəticələri avqustun 6-na qədər şəxsi səhifəyə göndəriləcək”.
M. Camalzadə qeyd edib ki, müsabiqənin vakansiya seçimi mərhələsi avqustun 7-dən açıq elan ediləcək: “Bu il müsabiqəyə ilkin olaraq təxminən 7000 vakant iş yerinin çıxarılması gözlənilir”.
