Gəncə şəhərində yol qəzası baş verib.
SosialMedia.az-ın yerli bürosunun məlumatına görə, qəza şəhərin Şah İsmayıl Xətai prospektində qeydə alınıb.
Prospektdə hərəkətdə olan “VAZ-2106” markalı avtomobil “Mercedes” markalı minik avtomobili ilə toqquşub. Nəticədə hər 2 sürücü xəsarət alıb.
Xəstəxanaya yerləşdirilən sürücülərin vəziyyəti orta-ağırdır.
Faktla bağlı Gəncə şəhər Baş Polis İdarəsində araşdırma aparılır.
