Bakıda ana və 3 azyaşlı övladı dəm qazından zəhərlənib.
Sosialmedia.az xəbər verir ki, hadisə Xəzər rayonu Binə qəsəbəsində qeydə alınıb.
1984-cü il təvəllüdlü Aygün Məlik qızı Nuriyeva və onun azyaşlı övladları – 2010-cu il təvəllüdlü Aysu Yunis qızı Mənsimli, 2012-ci il təvəllüdlü Zəhra Yunis qızı Mənsimli və 2016-cı il təvəllüdlü Ceyhun Yunis oğlu Mənsimli yaşadıqları evdə dəm qazından zəhərləniblər.
Zərərçəkənlər təcili tibbi yardımın köməkliyi ilə xəstəxanaya çatdırılıblar.
Hadisənin təfərrüatı araşdırılır.
